Хууш ма-хиллара, Нохчийн Республикин куьйгалхочо Кадыров Рамзана 2007-чу шарахь шен Указаца д1акхайкхина 25-г1а апрель, нохчийн меттан де ду аьлла. И де тайп-тайпана мероприятеш д1аяхьарца шуьйра билгалдоккху. Ненан меттан маь1нах лаьцна иштта аьлла Абдурахманов Дукхавахас: «Нохчашна шайн историн йохаллехь дуккха а хала киртигаш т1еяьхкина. Царах уггар ирчачех цхьаъ яра – дерриге халкъ махках даккхар. Оцу къизачу 13 шарахь нохчийн халкъ халонашка, баланашка, лазамашка ца дитийтинарг – ненан мотт бара. Вовшашка долу кехат нохчийн маттахь бен яздеш дацара, цуьнца цхьаьна лардеш дара вайн дайша лелийна 1адаташ, г1иллакхаш».